Umwe mu bakobwa bakunzwe cyane ku mbuga nkoranyambaga, Yolo The Queen, yerekanye umuturirwa w’inyubako arimo kuzamura nyuma y’iminsi yari ishize avuze ko agiye kwandika amateka dore ko avugwa mu rukundo n’umuhanzi ukomeye ku isi Drake.
Mu masaha macye ashize, Yolo The Queen yasangije abamukurikira ku rubuga rwa Instagram ubutumwa bw’ifoto y’inyubako bigaragara ko ari we uri kuyizamura ku ikofi ye, yongeraho amagambo y’ishimwe.
Yagize ati: ”Koko Mana umbabarire niba ntajya ngushima uko bikwiye.”
Yashyize hanze ubu butumwa bukurikirana n’ubundi yari aherutse gusangiza abamukurikira bw’amafoto arimo n’iyo agaragara yitegereza Drake mu maso avuga ko agiye guha isi inkuru nyamukuru.
Yolo The Queen ati: ”Inkuru yo kuganirwaho, niteguye gutanga inkuru nyamukuru mu buzima.”
Mu busanzwe, imiterere ya Yolo ivugisha abatari bacye ku mbuga nkoranyambaga barimo n’ibyamamare ku isi nka Drake unakurikira uyu mukobwa ku mbuga nkoranyamabaga. Birashoboka ko Drake ari we ukomeje gushyigikira Yolo The Queen ndetse bikaba bishoboka ko atari inyubako gusa hari n’ibindi Yolo yenda kwereka isi
About The Author
