Gasore Pacifique uzwi mu biganiro bitambuka kuri YouTube nka Yaka Mwana, yatawe muri yombi kuri uyu wa Kane tariki ya 31 Ukwakira 2024.
Yaka yafatiwe ahakorera Urukiko rw’Ibanze rwa Kicukiro aho yari yagiye gukurikirana iburanisha ry’imanza ziregwamo Miss Nshuti Divine Muheto na Sengabo Jean Bosco uzwi nka Fatakumavuta.
Yaka yatawe muri yombi azira guteza akavuyo ku rukiko; amakuru akavuga ko yari yasinze.
Ni Yaka wari wahoze ku rukiko ari gutera urwenya n’abapolisi bari baje gucunga umutekano.
Si ubwa mbere uyu musore atabwa muri yombi.
Mu Ugushyingo umwaka ushize yatawe muri yombi akurikiranweho icyaha cyo gukomeretsa ku bushake, gusa nyuma y’igihe gito aza kurekurwa.
About The Author
