Urubanza rwa Bamporiki Edouard wabaye Umunyamabanga wa Leta muri Minisiteri y’urubyiruko n’umuco ukurikiranyweho icyaha cyo kwakira ruswa rwasubitswe bitunguranye.
Uru rubanza ku cyaha cyo kwakira ruswa rwagombaga kubera mu rukiko rwisumbuye rwa Nyarugenge, saa mbiri z’igitondo cy’uyu wa 16 Nzeri 2022.
Saa mbiri n’igice ni bwo inteko y’abacamanza yinjiye mu cyumba cy’iburanisha kugira ngo iburanishe Bamporiki, ariko abajijwe niba yiteguye kuburana, yasubije ko atiteguye kubera ko nta mwunganizi mu mategeko afite.
Bamporiki yasobanuye ko impamvu nta mwunganizi afite, ari uko abanyamategeko uyu munsi bafite amatora. Ubushinjacyaha bwasabwe kugira icyo buvuga kuri iyi nzitizi, bwemeza ko umuburanyi afite uburenganzira bwo kuburana yunganiwe.
Urukiko rwahise rusubika urubanza, rurwimurira tariki ya 21 Nzeri 2022.
About The Author
