Umwana w’imyaka 13 ukomoka i Sochaczew muri Poland yatunguye isi yibaruka uruhinja rw’ibiro 3 n’amagarama 20 ubwo yari ari mu rugendoshuri rwateguwe ni ikigo cy’amashuri abanza uyu mwana yigaho.
Uyu mwana w’imyaka 13 ukomoka muri Poland yibarutse umwana w’umuhungu mu byumweru bishize aho uyu mwana wavutsa yahise ajyanwa mu bitaro kugira ngo yitabweho.
Ku munsi w’ejo hashize umuvugizi w’ibitaro by’abana i Kraków-Prokocim, avuga ko ubuzima bw’umwana wavutse bukiri kwitabwaho kugira ngo barebe ko yabasha guhumeka neza kuko yavutse atameze neza.
Aganira na “Fakt” uyu muvugizi yagize ati: “umuhungu aracyari muri ICU. Agomba kuguma aho kugeza akize.”
Uyu mubyeyi w’imyaka 13 yibarutse iki kibondo mu bwiherero bw’aho bari bakoreye urugendoshuri rwari rwateguwe n’ikigo cy’amashuri abanza uyu mwana yigaho.
Igitangaje muri iyi nkuru ni uko uyu mwana wabyaye yatewe inda n’umwana mugenzi we ufite imyaka 15 aho amurusha 2 kuko uwabyaye afite 13.
Uyu musore wateye inda ni umuturanyi w’uwo yateye inda kandi amakuru ahamya ko aba bano bombi bari bamaze igihe bakundana.
Ubuyobozi bw’ishuri uyu mwana wabyaye yigaho ntibwigeze bumenya ko uyu mwana wamaze kuba umubyeyi atwite kuko nabo batunguwe no kubona abyariye mu rugendoshuri bari bateguye.
About The Author
