Nzeyimana Alain wari umaze igihe ari Umuyobozi w’Itorero Inganzo Ngari yitabye Imana kuri uyu wa 26 Ukwakira 2023 azize uburwayi .
Amakuru dukesha igihe ni uko Nzeyimana yaguye mu bitaro byitiriwe Umwami Faisal aho yari amaze igihe arwariye.
Nzeyimana ni umwe mu bashinze Inganzo Ngari ryabaye rimwe mu matorero gakondo akomeye mu gihugu cy’u Rwanda, rikaba ryaratangiye ubuhanzi ku muco mu mwaka wa 2006.
Rigizwe n’abanyamuryango barenga 100 bari mu ngeri zitandukanye abahungu n’abakobwa.
Ni itorero ryagiye rimurika kandi rigaragaza ubwiza bw’umuco w’u Rwanda mu mbyino n’indirimbo haba mu Rwanda no mu mahanga.
About The Author
