Umuyobozi Mukuru wa Sosiyete y’Ubwishingizi, Sonarwa General Insurance, Rees Kinyangi Lulu yatawe muri yombi akekwaho kunyereza arenga miliyoni 117 Frw.
Amakuru dukesha Igihe ni uko Rees Kinyangi Lulu yatawe muri yombi tariki 2 Ukwakira 2024. Aya mafaranga ashinjwa kunyereza afitanye isano na Hotel Nobilis isanzwe ari iya Sonarwa.
Uyu mugabo yatawe muri yombi hamwe na Aisha Uwamahoro wari usanzwe ari umucungamutungo w’iyi hoteli.
Itabwa muri yombi ry’aba babiri ryemejwe n’Umuvugizi w’Urwego rw’Igihugu rw’Ubugenzacyaha (RIB), Dr. Murangira B. Thierry, wabwiye IGIHE ko “Ni ukuri. Bakurikiranyweho kunyereza umutungo no gukoresha nabi umutungo ufitiye rubanda akamaro”.
Kugeza ubu dosiye yamaze gushyikirizwa Ubushinjacyaha nubwo iperereza rikomeje.
About The Author
