Umunya-Maroc Mohammed Adil Erradi usanzwe ari umutoza w’ikipe y’Ingabo z’igihugu ya APR FC, yamaze kongererwa amasezerano nyuma yuko ayo yari asanganywe arangiye muri iyi kipe imaze gutwara ibikombe 20 bya shampiyona.
Amakuru avuga ko uyu mutoza yamaze kongererwa amasezerano y’imyaka ibiri. Mohammed Adil Erradi ni umutoza wa APR FC kuva muri 2019, akaba amaze guhesha iyi kipe y’Ingabo z’Igihugu ibikombe bitatu bya shampiyona.
Uyu mutoza wari ku musozo w’amasezerano ye amakuru yavugaga ko yifuzwa n’amakipe atandukanye yo hanze y’u Rwanda, arimo na Simba Sports Club yo muri Tanzania.
Ni kenshi uyu mutoza yagiye yumvikana avuga ko nubwo hari andi makipe yo hanze amushaka ko kuri we kuguma muri APR FC bifitwe mu biganza by’abayobozi batatu ko kuri we ashaka kuguma muri iyi kipe kubera uko APR FC yamurinze mu gihe andi makipe yirukanaga abatoza kubera ibyangombwa, Adil yari amaze igihe atangaza ko ubuyobozi nibumugirira icyizere nta kabuza azongera amasezerano.
About The Author
