Sele Murekezi ni Mukuru wa Suedi Murekezi, Umunyarwanda ufungiwe muri Ukraine nyuma yo gufatwa n’abiyomoye kuri Ukraine bakaba bashyigikiye Uburusiya, avuga ko bajya kumenya ko yafashwe, bamubonye mu mashusho, ari kuririmba indirimbo isingiza ingabo z’Uburusiya.
Suedi Murekezi wahoze mu ngabo zirwanira mu kirere za Amerika, mukuru we avuga ko yafashwe kuwa 9 Kamena, akuwe mu mujyi yari atuyemo wa Kherson mu majyepfo ya Ukraine.
Mu kiganiro na VOA ku kuntu bamenye ko Murekezi yafashwe, mukuru we yavuze ko babibonye mu mashusho.
Yagize ati ” Twabonye videwo yari ku rubuga rwa interineti kuri chanozi (channels) zishyigikiye Abarusiya. Twamubonye muri imwe muri izo videwo tubona bari kumubwira ngo nasubiremo Glory to the Russian Army (Ikuzo ku gisirikare cy’Uburusiya.) Twahise dukeka ko ari Abarusiya bamufashe.”
Uyu uri muri Leta ya Minesota avuga ko Suedi yahamagaye kuwa 7 Nyakanga 2022, abasha kugira bike ababwira. Ati “ Twavuganye iminota mike, ntabwo twaganiriye birambuye. Avuga ko ari Donetsk, urumva ko bamujyanye kure. Yatubwiye ko nta yicarubozo bamukoreye ariko dukurikiije uko twamwumvaga siko tumumenyereye.”
Uyu Sele yavuze ko kuba mwenewabo yarafashwe ntaho bihuriye n’imodoka y’Abanyamerika yagendagamo. Ati ” Imodoka yari asanzwe ayigendamo ahubwo icyabaye ni uko bamenye ko ari Umunyamerika.”
Mu gihe hari abavuga ko uyu Suedi Murekezi ashobora yari intasi ya Amerika, mukuru we avuga ko ari umucuruzi wa Bitcoin w’umusivili. Avuga ko muri iki gihe baticaye mu gukurikirana ikibazo cy’uyu murumuna we.
About The Author
ubwose ubaye utazi ikirusia ugafatwa nabo bashyigikiye uburusia bakagutegeka kuririmba indirimbo yubahiriza igihugu ikakunanira ubwo ntiwahita uhasiga ubuzima?