Nyuma y’icyumweru cyose mu Rwanda hari kuba irushanwa ry’amagare rizwi nka Tour du Rwanda, Umunyarwanda Mugisha Moise ukinira ikipe ya Protouch yegukanye agace ka nyuma akaba ari bwo bwa mbere Umunyarwanda yegukanye agace kuva iri rushanwa ryagera kuri 2.1
Kuri uyu munsi iri rushanwa ryazengurutse umujyi wa Kigali (Canal Olympia)- Kigali (Canal Olympia) risorezwa ku i Rebero aho ryanatangijwe n’umukuru w’Igihugu Perezida Paul Kagame.
Mugisha wasatiriye muri metero 500 za nyuma, yakoresheje amasaha abiri, iminota umunani n’amasegonda 16, ibihe yanganyije na Sandy Dujardin na Alexandre Geniez bakinira TotalEnergies. Ni we Munyarwanda wa mbere utwaye agace ka Tour du Rwanda kuva igeze ku rwego rwa 2,1 mu 2019.
Nubwo Mugisha Moise yegukanye agace ka nyuma ariko si we watwaye irushanwa ryose kuko Tour du Rwanda 2022, yegukanywe n’Umunya-Erythrée Natnael Tesfazion ukinira Drone Hopper Androni Giocatolli.
About The Author
