Nyuma y’amezi make atangiye akazi kuri Kiss fm, Umunyamakuru Gentil Gedeo yasezeye ku bakunzi ba Kiss fm nyuma y’amazi make atangiye gukora kuri iyi radio y’imyidagaduro mu Rwanda.
Gentil yatangiye gukora kuri iyi radio ubwo uwari umunyamakuru wayo Arthur Nkusi yari amaze kuyisezera bituma Gentil gedeo aza kumusimbura mu kiganiro cya mu gitondo nyuma aza kwimurirwa ku gukora ikiganiro cyo ku manywa asimburwa na Andy Bumuntu ku gukorana na Sandrine Isheja mu kiganiro cya mu gitondo.
Abinyujije ku rukuta rwe rwa instagram Gentil yagize ati:” Mwarakoze Kiss fm kandi murabeho, ubu nshobora gutangaza ko ntakiri umukozi wa Kiss FM, nyifurije ibyiza byose kuri iyi radio nziza mu Rwanda”
Gentil Gedeo yamenyekanye cyane mu gukora ibyegeranyo mu kiganiro cyacaga kuri KT radio cyitwa “Inyanja Twogamo” nyuma ayivaho ajya kwikorera kuri Youtube.
About The Author
