Umunyamakuru Robert Cyubahiro McKenna w’Ikigo cy’Igihugu cy’Itangazamakuru (RBA) ukora kuri Magic fm no kuri Televiziyo y’Igihugu, yakoze impanuka ikomeye gusa Imana ikinga akaboko.
RobertMcKenna akunzwe mu biganiro bitandukanye haba kuri Magic Voice no kuri Televiziyo y’igihugu, yemeje ko yakoze iyi mpanuka abinyujije ku rukuta rwe rwa twitter, gusa ntiyasobanura byimbitse uko byamugendekeye.
Ifoto y’imodoka ye yashyize kuri Twitter cyakora cyo iyerekana yangiritse cyane ikizuru, gusa amakuru avuga ko yagonze ipoto y’amashanyarazi.
Uyu munyamakuru yatangaje ko nyuma yo gukora impanuka ko ameze neza. Ati: “Umugabo wo mu ijuru yavuze ati ndacyagukeneye. Meze neza kandi ndi gukira. Ndashima!”
Abantu batandukanye bifatanyije n’uyu munyamakuru gushima Imana yamurokoye iyi mpanuka y’imodoka.
About The Author
