Grant Wahl wari mu banyamakuru ba siporo bakunzwe by’umwihariko muri Leta Zunze Ubumwe za Amerika aho akomoka, yitabye Imana ubwo yari mu gikorwa cyo gutara inkuru ku mukino wahuje Argentina n’u Buholandi mu Gikombe cy’Isi kiri kubera muri Qatar.
Amakuru ya France24 avuga ko Grant Wahl yitabye Imana ku wa Gatanu tariki 9 Ukuboza 2022, nyuma yo kugwa igihumure ubwo yari mu kazi ke k’itangazamakuru.
Inzego z’ubuzima zari kuri uyu mukino zakoze ibishoboka byose ngo zigeze Grant Wahl kwa muganga ariko biza kurangira yitabye Imana.
Uyu mugabo w’imyaka 48 yakoreraga televiziyo ya CBS Sports. Grant Wahl yavuzwe cyane ubwo yangirwaga kwinjira muri stade ku mukino wahuje Leta Zunze Ubumwe za Amerika na Wales kuko yari yambaye umupira uriho ibendera ry’abatinganyi, gusa nyuma yaje kuwukuramo yemererwa kwinjira.
About The Author
