Ntirenganya Emma Claudine wamamaye kuri Radio Salus nka Emma Claudine ndetse benshi bakaba bamuzi nka Shangazi yahawe akazi n’inama y’abaminisitiri, ndetse n’umuhanzi Alain Mukurarinda uzwi nka Alain Muku nawe ahabwa umwanya.
Inama y’Abaminisitiri yaraye iteranye ku wa Kabiri tariki ya 14 Ukuboza 2021, yigaga ku ngamba nshya zo kwirinda icyorezo cya Coronavirus aho Umunyamakurukazi Emma Claudine yagizwe umwe mu bagize ibiro by’umuvugizi wa guverinoma nk’umusesenguzi mu itumanaho muri guverinoma.
Umuhanzi uzwiho kuzamura impano zitandukanye muri muzika nyarwanda Alain Mukurarinda nawe yahawe akazi mu biro by’umuvugizi wa guverinoma aho yagizwe umuvugizi w’ungirije.
Alain Muku yazamuye umuhanzi Nsengiyumva Francois uzwi ku izina rya Igisupusupu, ndetse anazamura umuhanzikazi kuri ubu bamaze gutandukana Clarisse Karasira kuri ubu wagiye muri Leta z’Unze Ubumwe z’Amerika hamwe n’umugabo we bamaze igihe barushinganye.
Emma Claudine we yamamaye nkumunyamakuru kuri radio salus mu kiganiro Imenye nawe aho yasobanuraga byinshi ku birebana n’imihindagurikire y’umubiri cyane cyane ku buzima bw’imyororokere aho benshi bamuzi ku izina rya Shangazi.
About The Author
