Umunya-Australiakazi, Briana Jai uherutse gutandukana mu rukundo n’umuhanzi Harmonize, ari kubarizwa i Kigali aho yaje mu biruhuko.
Uyu mukobwa usanzwe ari umunyamideli ukomeye muri Australia, yageze i Kigali mu mpera z’icyumweru dusoje. Mu butumwa bw’amashusho yanyujije ku rukuta rwe rwa Instagram mbere yuko ahagera, yabwiye abamukurikira barenga ibihumbi 194 ko yishimiye kuzaba ari i Kigali ndetse ni naho azizihiriza ibirori by’isabukuru ye y’amavuko bizaba ku itariki ya 19 Gicurasi 2022.
Muri Nzeri 2021 nibwo Harmonize yahamije ko ari mu rukundo n’uyu Briana gusa ibyabo ntibyarambye kuko muri Mutarama 2022 bahise batandukana buri wese acukwe.
Impamvu nyamukuru yatumye aba bombi batandukana bivugwa ko bananiwe kwumvikana aho batura. Uyu mukobwa ntiyemeraga kuzava iwabo muri Australia ndetse na Harmonize atemera kuva muri Tanzania bahita guhagarika ibyo gukundana.
About The Author
