Igipolisi mu Karere ka Lamwo cyafashe umugore w’imyaka 34 ukora ku kigo nderabuzima cya Lukung III ashinjwa gusambanya umwana w’imyaka 15.
Ukekwaho icyaha ubu ufungiye kuri sitasiyo ya Polisi ya Lamwo akorera muri icyo kigo nderabuzima nk’ushinzwe amakuru. Ku wa Gatanu nimugoroba, yatawe muri yombi avuye ku cyicaro cy’akarere ka Lamwo aho yari yagiye mu mahugurwa.
Bavuga ko yakoze icyaha ku ya 12 Ukwakira 2021, ariko kuva icyo gihe yahunze.
Inyandikomvugo yandikiwe kuri polisi yerekana ko ukekwaho icyaha igihe yari mu kigo nderabuzima cya Lukung Centre III, yakurikiranye mu bwiherero umwana w’umuhungu w’umuturanyi we w’imyaka 15 aho bivugwa ko yamusambanyije ahagana mu ma saa moya n’igice z’umugoroba.
Nyina w’uwahohotewe yabwiye polisi ko byabaye ngombwa ko akurikirana umuhungu we abonye amaze igihe kinini kugirango agaruke. Yabwiye abapolisi ko yatunguwe no kubona ukekwa agirana imibonano mpuzabitsina n’umuhungu we mu bwiherero.
Iyi nkuru dukesha Daily Monitor ivuga ko hahise haba imirwano hagati y’ukekwa na nyina w’umwana mbere y’uko ukekwa ahunga. Yagiye kwihisha kugeza ku ya 18 Gashyantare 2022 igihe yitabiraga amahugurwa.
Polisi yavuze ko uwahohotewe yakorewe isuzuma ry’ubuvuzi ibisubizo byerekana ko yasambanyijwe.
Amategeko yo muri Uganda avuga ko gusambanya umwana uri munsi y’imyaka 18 ari icyaha.
Raporo ngarukamwaka ya polisi ivuga ko mu 2020 abana b’abahungu 140 bari hagati y’imyaka 6 n’imyaka 17 bafashwe ku ngufu, ariko umuto muri bo yari afite imyaka 8.
Ni mu gihe imibare yavuye muri iyo raporo yerekanaga ko abakobwa n’abahungu 1,280 bafite imyaka umunani no munsi yayo, ndetse n’abana batangiye gukura 2,986 bari hagati y’imyaka 9 na 14 bafashwe ku ngufu.
About The Author
