Mu minsi mike ishize nibwo abantu benshi ku mbuga nkoranyambaga no mu binyamakuru bitandukanye bashize ahagaragara amashusho y’umuhanzi nyarwanda Yverry ari kwambika impeta umukunzi we Uwase Vanessa Vanilla na we abyemera atazuyaje gusa abazi kwitegereza barahamya ko uyu mukobwa atwite imvutsi.
Aya mafoto agaragaza umukunzi wa Yverry ameze nk’utwite ku buryo hari abakomeje gutekereza ko aba bombi baba bagiye kurushinga banitegura kwibaruka imfura yabo.
Ni amafoto agaragaza umukunzi wa Yverry yambaye ikanzu ngufi imufashe ndetse ikamugaragaza nk’umukobwa utwite. Guhera mu 2019 ni bwo amakuru yatangiye kuvugwa ko Yverry akundana n’uyu mukobwa. Anabihamiriza Igihe mu kiganiro bagiranye mu gitaramo cya Social Mula mu Ugushyingo 2019.
Urukundo rwabo rwakomeje gukura umunsi ku wundi, kugeza ubwo tariki 14 Gashyantare 2020 ubwo uyu muhanzi yamurikaga album ye ya mbere Uwase yagaragaye yagiye gushyigikira umukunzi we yongera gushimangira urukundo rwabo.
Nyuma y’ibyumweru bike cyane, Uwase yatunguye Yverry amukorera ibirori byo kwizihiza isabukuru y’amavuko yagize muri Werurwe 2020. Kuva ubwo urukundo rwabo rwarushijeho gukura kugeza ubwo biyemeje kurushinga ndetse babyemeranyaho kuri uyu wa 17 Werurwe 2022.
About The Author
