Mwiza Joannah ufitanye umwana w’umukobwa w’imyaka itanu n’umuhanzi kandi akaba umunyamakuru wa KISS FM witwa Ancle austin yatangaje ko yishimiye kuba agiye kurushinga n’umusore uherutse kumwambika impeta.
Mwiza Joannah usanzwe ari umubyeyi w’umwana w’imyaka itandatu,yabyaranye na Austin muri 2015, bagiranye ibihe byiza bakundana ndetse amakuru yemezaga ko babanye no mu nzu gusa muri 2018 byaje guhindura isura aba bombi baratandukanye mu ibanga rikomeye.
Muri uwo mwaka wa 2018 bivugwa ko aribwo aba bombi batandukanye, uyu mukobwa yahise ajya ku rukuta rwe rwa instagram asiba amafoto ye yose ari kumwe na Austin gusa we akajya ahora akwepa ibibazo bimubaza ku rukundo rwe na Joannah.
Mwiza Joannah ubu yamaze kwambikwa impeta n’umusore bamaze igihe bakundana ndetse ubu bakaba bitegura no kurushinga. Abinyujije kuri instagram Joannah yagize ati: “Mfite ibyishimo bidasanzwe, ndanezerewe cyane.”
Uyu musore witwa Hirwa na Joannah bari bamaze igihe bakundana, ntiharamenyekana itariki u’ubukwe bwabo gusa zimwe mu nshuti zabo za hafi zivuga ko na bwo ari vuba.
About The Author
