Mu mukino w’ikirarane wa shampiyona y’u Rwanda Primus National League wahuje APR FC na Mukura VS waberaga kuri sitade ya Kigali i Nyamirambo wasubitswe utarangiye kubera imvura nyinshi yaguye.
Ni umukino wari umaze gukinwa iminota 45 bivuze igice cya mbere aho ikipe ya Mukura Victory Sports yari yamaze gutsinda APR FC igitego kimwe ku busa gusa imvura ikaba yaje kuba nyinshi ku kibuga bigatuma hafatwa umwanzuro wo kuwusubika.
Kugira ngo usubikwe, abasifuzi bari bayoboye uyu mukino bohereje abakapiteni b’amakipe yombi uko ari babiri babaha imipra bazenguruka ikibuga bawutera kugira ngo bumve niba koko iki kibuga bakomeza kugikiniraho ariko bavuze ko bitashoboka ari bwo hahise hafatwa umwanzuro wo kuwusubika.
Mu mategeko y’umupira w’amaguru umupira wasubitswe iyo usubukuwe mu masaha 24 bakina iminota yari isigaye ariko iyo usubukuwe hejuru yayo masaha batangira bundi bushya.
About The Author
