Umunyarwanda Ngendahayo Jérémie ukinira ikipe ya May Stars, yakuwe muri Tour du Rwanda anacibwa amande azira gufata ku modoka.
Uyu musore yakoze ayo makosa ku wa Gatatu tariki ya 21 Gashyantare, ubwo hakinwaga agace ka kane ka Tour du Rwanda kavaga i Karongi kerekeza i Rubavu.
Amande ya Frw 290,000 ni yo uyu musore yaciwe, hejuru yayo anakurwaho amanota 50 ku rutonde rw’Impuzamashyirahamwe ry’Umukino w’Amagare ku Isi (UCI).
Agace ka kane ka Tour du Rwanda kegukanwe n’Umubiligi William Junior Lecerf usanzwe akinira ikipe ya Soudal Quick-Step Devo.
Byari mbere y’uko aka gatanu kakinwe kuri uyu wa Kane gatwarwa n’Umufaransa Pierre Latour wa Total Energies y’iwabo.
About The Author
