Umuhungu wa Perezida wa Uganda Yoweri Kaguta Museveni, Gen Muhoozi Kainerugaba, yatanze ituro rya miliyoni 5Frw ubwo yari yitabiriye amasengesho yabereye muri St. Andrew’s Cathedral.
Kuri iki Cyumweru tariki 22 Mutarama mu 2023, nibwo Muhoozi uri mu ruzinduko mu Karere ka Mbale yitabiriye amasengesho yabereye muri iyi Katederali yitiriwe Mutagatifu Andereya.
Amakuru dukesha NBS avuga ko ubwo abandi batangaga amaturo, Gen Muhoozi yatanze miliyoni 20 z’amashilingi (arenga gato miliyoni 5Frw) ngo azifashishwe n’iyi Katederali mu bikorwa by’iterambere.
Mu mpera z’iki cyumweru nibwo Muhoozi yatangiye uruzinduko mu burasirazuba bwa Uganda mu bikorwa byo kumenyekanisha igisa n’ishyaka yatangije yise ’MK Movement’.Biteganyijwe ko kuri iki Cyumweru ahura ndetse akaganira n’abayobozi n’abaturage b’i Mbale.
About The Author
