Polisi yo mu mujyi wa Kabwe, mu ntara yo hagati muri Zambia, ikurikiranye umugore witwa Annie Mweemba w’imyaka 19 y’amavuko, ushinjwa kwica umugabo we binyuze ku kumutsikamira imyanya y’ibanga.
Uwapfuye ni Chrispine Kandela w’imyaka 21 y’amavuko, wari utuye mu gace ka Nangoma, akaza gushiramo umwuka ubwo yari mu mirwano n’umugore we, akamutsikamira imyanya y’ibanga kugeza umutima uhagaze.
Bikekwa ko Chrispine Kandela yatangiye kurwana n’umugore we Annie Mweemba, i Saa saba z’ijoro ryo kuwa 23 rishyira kuwa 24 Gicurasi, ubwo Kandela yari atashye avuye kunywa inzoga mu kabari.
Umuyobozi w’agateganyo w’intara yo hagati (Central Province), Dennis Moola yavuze ko ubwo aba barwanaga, nyina wa Kandela witwa Esther yari ahari ndetse yagerageje kubakiza ariko bakamurusha ubukana.
Bwana Moola yavuze ko iperereza ry’ibanze ryerekanye ko Kandela ari we watangije imirwano akubita umugore we, undi na we akaza gufata imyanya ndangagitsina akayitsikamira yirwanaho.
Inkuru ya Zambia Daily Mail ivuga ko Nyakwigendera Kandela yajyanwe ku ivuriro rya Miyoye muri iryo joro yahwereye, bikaza kirangira ashizemo umwuka mu rukerera rwo kuwa 24 Gicurasi 2022.
About The Author
