Issa New Boy wamamaye cyane ku mbuga nkoranyambaga ziganjemo YouTube nka Inyogo ye, kuri ubu ari mu gahinda kenshi aho umugore we yamaze gutabwa muri yombi akurikiranyweho urugomo.
Uwahaye amakuru byoseonline.rw, yatubwiye ko uyu mugore wa inyogo ye kuri uyu wa kane tariki 07 Nyakanga 2022, ubwo abaturage batuye mu kagari ka Guriro mu murenge wa Rambura bari mu nteko y’abaturage nkuko bisanzwe bikorwa, maze bamwe mu baturage bagaragariza ubuyobozi ko uyu mugore wa Inyogo ye abamereye nabi aribyo byatumye bamufunga.
Ngo ubwo bari mu nteko y’abaturage umwe mu baturage yamureze amakimbirane afitanye n’umugore wa Inyogo ye ndetse ko akunze kumwendereza gusa binahurirana nuko uyu mugore ngo yaciye mu maso umwe mu bayobozi bo muri kano gace atuyemo bituma bamujyana kumufungira ku murenge wa Rambura.
Bamwe mu baturage bemeza ko uyu mugore adafite imyitwarire myiza ngo kuko gusuzugura umuyobozi bikagera naho umuciraho atari umuco mwiza.
Byoseonline.rw twagerageje kuvugisha ubuyobozi bireba ngo baduhamirize aya makuru cyangwa bayahakane ariko ntibyakunda gusa igihe byakunda twabibamenyesha.
About The Author
