Mu rukerera rwo kuri iki Cyumweru, umurwa mukuru wa Ukraine, Kyiv, wabyukiye mu mvura y’amabombe nyuma y’umunsi umwe abayobozi bavuze ko ingabo zabo zafashe igice kinini mu rugamba rwo mu burasirazuba mu gitero cyo kurwanya u Burusiya.
Umuyobozi w’Umujyi wa Kyiv, Vitali Klitschko yanditse kuri porogaramu yo kohererezanya ubutumwa kuri Telegram ati: “Ibisasu byinshi byaturikiye mu turere twa Darnytskyi na Dniprovskyi.”
Klitschko yavuze ko byibuze umuntu umwe yajyanwe mu bitaro ariko nta bantu bapfuye. Abandi bayobozi bavuze ko ibisasu by’u Burusiya bisa nkaho byibasiye umuhanda wa gari ya moshi nk’uko iyi nkuru dukesha Al Jazeera ivuga.
Kuri iki Cyumweru, minisiteri y’ingabo y’u Burusiya yatangaje ko igitero cyasenye ibifaru n’izindi modoka z’imitamenwa mu nkengero za Kyiv, zari zarahawe Ukraine n’inshuti zayo z’iburengerazuba, mu gihe Perezida Vladimir Putin yongeraga kuburira uburengerazuba ku guha Ukraine misile ziraswa mu ntera ndende.
Niba Kyiv ihabwa misile ndende, “Tuzafata imyanzuro ikwiye kandi dukoreshe intwaro zacu… kugira ngo turase ibipimo tutigeze turasa mbere”.
Ibi yabitangaje nyuma y’iminsi mike Amerika itangaje ko izaha Ukraine intwaro ziteye imbere zo mu bwoko bwa Himars zirasa za rokete. Himars ni intwaro igendanwa ishobora icyarimwe kurasa misile nyinshi ziyobowe neza muri kilometero 80.
Umuyobozi w’umujyi w’amateka wa Brovary, nko mu bilometero 20 uvuye muri Kyiv rwagati, yasabye abantu kuguma mu ngo zabo.
About The Author
