Umwe mu basifuzi basifuraga umukino w’umunsi wa karindwi muri Shampiyona ya Uganda, Peter Kabugo, yapfiriye mu kibuga ubwo yari mu bagomba gukiranura SC Villa na UPDF.
Ku mugoroba wo ku wa Gatanu, tariki ya 1 Ugushyingo 2024, amakipe yombi yahuriye ku kibuga cya Wankulukuku kiri mu mujyi wa Kampala, aho yari yakiniye.
Amakuru ava muri Uganda avuga ko umukino warangiye SC Villa itsnze UPDF ibitego 5-0, ugeze ku munota wa 73 Kabugo warimo usifura ku ruhande rw’iburyo yituye hasi mu buryo butunguranye.
Abaganga b’amakipe yombi bagerageje kumuha ubutabazi bw’ibanze, ariko biba ngombwa ko hitabazwa imbangukiragutabara ikamwihutana kwa muganga nubwo ku bw’amahirwe make bamugejejeyo yamaze gushiramo umwuka.
Kugeza ubu ntabwo icyatumye uyu musifuzi wari umaze imyaka itatu asifura mu Cyiciro cya mbere yitaba Imana kiramenyekana, gusa bigakekwa ko yaba yagiraga ikibazo cy’umutima.
About The Author
