Umugaba w’Ingabo za Uganda zirwanira ku butaka, Lt Gen Muhoozi Kainerugaba, avuga ko abasirikare b’igihugu cye bataye muri yombi uwo yise umwanzi w’ u Rwanda na Uganda, bakamusubiza iyo yaturutse.
Ku rukuta rwe rwa Twitter, Gen Muhoozi ati ” Ibi sinkunda kubikora ariko niba byarengera ubuzima bw’abasirikare banjye, mba ngomba kubikora. Ndashimira CMI (ubutasi bw’igisirikare cya Uganda) buyobowe na Maj. Gen Birungi ku bwa operasiyo itangaje mwakoze. Uyu mwanzi wa Uganda n’ u Rwanda yafashwe, asubizwa iyo yaturutse.”
Gen Muhoozi kandi yari amaze amasaha make yihanangirije Gen Kayumba Nyamwasa uyobora RNC irwanya Leta y’ u Rwanda.
Nta myirondoro y’uyu mugabo Uganda yirukanye ku butaka bwayo.
About The Author
