Mu mikino ya 1/4 mu irushanwa ry’amakipe yabaye aya mbere i wayo UEFA Champions League yakomezaga kuri uyu wa kabiri no ku wa gatatu amakipe amwe yaratunguwe arasezererwa mu gihe andi yateye intambwe iyerekeza mu mikino ya 1/2 muri iri rushanwa.
Ku wa kabiri w’iki cyumweru ikipe ya Chelsea yo mu bwongereza yasezerewe na Real Madrid ku giteranyo cy’ibitego 5-4 bivuze ko mu mukino ubanza iyi kipe ya Chelsea yari yatsinzwe ibitego 3-1 mu gihe uwo kwishyura ikipe ya Chelsea yatsinze ibitego 3-2 bituma iyi kipe yo mu bwongereza isezererwa.
Kuri uwo munsi kandi ikipe yo mu gihugu cy’Ubudage yaje gutungurwa bikomeye n’ikipe yo muri Espanye ya Villareal iyisezerera ku giteranyo cy’ibitego 2-1, aho mu mukino ubanza Viallareal yatsinze 1-0 naho mu mukino wo kwishyura banganya igitego 1-1 Bayern Munchen isezererwa gutyo.
Ku munsi wejo ku wa gatatu kandi iyi mikino yarakomeje ikipe ya Liverpool ishimangira gukomeza muri 1/2 ku bitego 6-3, kuko mu mukino ubanza yari yatsinze ikipe ya Benfica ibitego 3-0 mu gihe ejo mu mukino wo kwishyura banganyije ibitego 3-3, bituma Liverpool ikomeza ku giteranyo cy’ibitego 6-3.
Indi kipe yo mu bwongereza ya Man City na yo yasezereye Atletico de Madrid yo muri Espanye ku giteranyo cy’igitego 1-0, aho mu mukino ubanza Man City yatsinze 1-0 mu gihe mu mukino wo kwishyura byanganyije 0-0 bituma Man City ikomeza ku giteranyo cy’igitego 1-0.
Kuri ubu amakipe abiri yo muri shampiyona ya Espanye n’andi abiri yo muri shampiyona y’Ubwongereza ni yo asigaye azahura muri 1/2 aho ikipe ya Liverpool izahura na Villareal mu gihe Man City izahura na Real Madrid.
About The Author
