Ku mugoroba wo kuri uyu wa Kane nibwo The Ben yasinyanye amasezerano na kompanyi yitwa NBG isanzwe ikora inzoga mu Rwanda zizwi nka Gin.
Muri aya masezerano uyu muhanzi azafatanya na Muyango Claudine kwamamaza no gukundisha abakunzi babo inzoga nshya iyi kompanyi yashyize ku isoko yitwa Fimbo Gin.
Umuhango wo gusinya aya masezerano wabereye imbere y’itangazamakuru muri Kigali Serena Hotel, wakurikiwe n’ikiganiro bagiranye n’abanyamakuru maze The Ben asabwa gusoma kuri iyi nzoga agiye gukundisha abakunzi be ariko biramunanira. Yisobanura agira ati “Ntabwo nayisomaho imbere yanyu ariko buriya nituba turi mo hariya imbere ndajya mbigerageza”.
Umuyobozi mukuru wa NBG, Anitha Urayeneza yavuze ko bakunda urubyiruko akaba ariyompamvu bahitamo gukorana n’ibyamamare bisanzwe bikunzwe n’urubyiruko.
Nubwo amafaranga The Ben na Muyango Claudine bahawe yagizwe ibanga ariko amakuru agera kuri Byoseonline.rw avuga ko The Ben yahawe Miliyoni 10 naho Claudine agahabwa Miliyoni 5 mu gihe cy’amezi 6.
Uyu muhango wasojwe n’umusangiro aho NBG n’ibi byamamare bakiriye abari batumiwe barimo aba stari bakomeye mu myidagaduro no mu itangazamakuru mu Rwanda.
About The Author
