Umunyarwanda usigaye akorera umuziki we muri Leta z’unze ubumwe za Amerika Mugisha Benjamin uzwi ku izina rya The Ben yenda kuza gutaramira abanya-Kigali mu ntangiriro z’ukwezi kwa Kanama.
The Ben yari aherutse gutaramira abanyarwanda mu ntangiriro z’umwaka wa 2020, yatumiwe na East Gold, Sosiyete gutegura imikino y’abakanyujijeho imaze kumenyekana nka ‘Rwanda Re-birth Celebrations’.
Uwatanze amakuru yagize ati: “The Ben ategerejwe mu gitaramo kizaba ku wa 6 Kanama 2022 kuri Canal Olympia. Byose byaremejwe igisigaye ni ukubitangaza mu buryo bweruye.”
Nyuma y’imikino ya ‘Rwanda Re-birth Celebrations’ iri guhuza abakanyujijeho mu Rwanda, byitezwe ko hazakurikiraho igitaramo kizaririmbamo The Ben. The Ben ategerejwe i Kigali ku wa 6 Kanama 2022 mu gihe tariki 30 Nyakanga 2022 azaba yataramiye muri Suède aho yatumiwe mu birori byo gususurutsa Abanyarwanda batuye ku Mugabane w’u Burayi.
Uyu muhanzi yaherukaga gutaramira mu Rwanda mu birori byinjije Abanyarwanda mu mwaka wa 2020, igitaramo cyabereye muri Kigali Arena icyo gihe yari yakubise yuzuye.
Ubwo The Ben yakoreraga igitaramo hano mu Rwanda muri 2020, yakoranye indirimbo n’icyamamare mu muziki wa Afurika ari we Diamond Platinumz yitwa “Why”.
About The Author
