Umuhanzi nyarwanda ukorera umuziki muri leta z’unze ubumwe z’Amerika Mugisha Benjamin uzwi ku izina rya The Ben yaciye amarenga ko ari gukorana indirimbo n’umuhanzi ukomeye wo mu gihugu cya Tanzaniya.
Ni nyuma y’igihe uyu muhanzi nyarwanda agaragaye ari kumwe na Diamond Platinumz muri leta z’unze ubumwe z’Amerika benshi batangira kuvuga ko uyu muhanzi ashobora kuba afitanye umushinga ukomeye wo gukorana indirimbo n’uyu muhanzi w’icyamamare ku mugabane w’Afurika ndetse no ku isi muri rusange.
Amakuru twamenye ni uko The Ben ari muri Tanzaniya hamwe na Producer Madebeats aho bari gukorana indirimbo na Diamond Platinumz. Ibi kandi byashimangiwe n’amashusho The Ben yasangije abamukurikira kuri Instagram aho yari ari kumwe na Diamond bari muri studio.
Iyi ndirimbo niramuka ikozwe izaba ari imwe mu zizaba zigize album ya gatatu The Ben yitegura gusohora.
Ni album The Ben aherutse gutangaza ko igizwe n’indirimbo zo kuramya no guhimbaza Imana ku kigero cya 50% mu gihe izindi zo ari izisanzwe. Iyi album nshya itaratangazwa izina, byitezwe ko izaba iriho indirimbo yakoranye n’abandi bahanzi mpuzamahanga bafite n’amazina akomeye.
About The Author
thank you so much for this impressive website me and my sept precious this content and sixth sense