Mugisha Benjamin uzwi nka The Ben muri iyi minsi itangazamakuru rikomeje kumuhata ibibazo by’umwihariko ku bikomeje kuvugwa hagati ye n’umuhanzi Bruce Melodie muri iyi minsi uri mu bihe bye byiza.
The Ben mu minsi ishize ubwo yari ku kibuga cy’indege yerekeza muri Canda aho yari arategerejwe mu gitaramo yatumiwemo, itangazamakuru ryamubajije ku byiyumvo bye ku bakomeje kumuhanganisha na Melodie.
Yabajijwe icyo atekereza mu gihe haba habaye guhangana(Battle) hagati yabo mu gitaramo bahuriyemo , maze avuga ko we ibya Battle atabyemera bijyanye n’ibyo igihugu cyanyuzemo.Ubwo yagarukaga nabwo yarongeye abazwa ikibazo gisa n’icyo yari yabajijwe avuga ko we icyo abona ari uko hakwiye kubaho igitaramo kibahuza ariko yirinda kuvuga ijambo ’Battle’.
Kuri uyu wa Gatanu nabwo ubwo yaganiraga n’abanyamakuru ba Kiss Fm nabwo yabajijwe ku marangamutima ye iyo abantu bamuhanganisha na Melodie, maze avuga ko nta kibazo abibonamo kuko ari kimwe mu bigize imyidagaduro kandi biyiryoshya bikanayiteza imbere.
Gusa ngo uburyo bikorwa hakwiye kwirindwa ko hazamamo ibindi bishobora gushyira urwicyekwe hagati y’abahanzi.
About The Author
