![](https://www.byoseonline.rw/wp-content/uploads/2021/11/shady-1.jpg)
Mbabazi Chadia uzwi nka Shaddy Boo, yikomye abavuga ko atakiri mu bagore n’abakobwa bagezweho ku mbuga nkoranyambaga no mu buzima busanzwe kuko ngo arimo kugenda asaza ugerereranyije n’abandi barimo kuzamuka.
Ibi yabigarutseho nyuma y’inkuru iherutse gutambuka , ivuga ko uyu mubyeyi w’abana babiri arimo kubyina avamo.Abinyujije kuri Twitter Shaddy Boo (X) yanditse ko kugeza ubu akiri wawundi nta wapfa kumuhiga ndetse asaba n’abantu kujya ahatangirwa ibitekerezo bakamubwira umuhiga.
Ati” Duce impaka ngaho muri Comment mushyiremo iphoto yuwo mubona byibuze wa nsimbura kubwamikazi , kuko ndayoboye ikimenyimenyi murashyiramo benshi batandukanye. Nta ngoma yimikwa abamikazi benshi .”
Shaddy Boo yamenyekanye ubwo yatitizaga imbuga nkoranyambaga biturutse ku kimero cye cyakururaga n’ubu kigikurura abagabo.
By’umwihariko kurushaho kwamamara byaturutse ku mvugo yakoresheje ubwo yabazwaga niba yari yagera kunyanja akabihakana ariko akumvikana avuga ko akunda impumuro yayo(Odeur ya Ocean).
Yagiye avugwa mu kwigarurira imitima y’ibyamamare bitandukanye birimo umuhanzi Diamond Platnumz na Davido.Gusa kugeza ubu uwavuga ko iri izina rigenda ricyendera mu matwi ya benshi ntiyaba abeshye.
Mu bavugwa bamusimbuye ku mwanya wo kwigarurira imbuga nkoranyambaga kandi b’abanyamugi banashabutse, harimo itsinda ry’abakobwa biyise Kigali Boss Babes ndetse na Yolo The Queen.