Urwego rw’Igihugu rw’Ubugenzacyaha (RIB) rwataye muri yombi abantu bane, barimo ba Pasiteri Karamuka Frodouard wahoze akuriye Komisiyo ishinzwe imiyoborere myiza muri ADEPR na mugenzi we Mazimpaka Janvier.
Uru rwego rwemeje itabwa muri yombi ry’aba bantu mu butumwa rwanyujije ku rubuga rwarwo rwa X.
Abatawe muri yombi nk’uko yabisobanuye, bakurikiranweho icyaha cyo “gukora no gukoresha inyandiko mpimbano.”
Nta makuru arambuye uru rwego rwigeze rutanga ku byaha abatawe muri yombi bakekwaho, gusa rwavuze ko iperereza rikomeje mu gihe abakekwaho icyaha bafungiye kuri station za RIB za Remera, Kimihurura na Kicukiro.
Rwavuze kandi ko dosiye yabo iri gutunganywa ngo ishyikirizwe Ubushinjacyaha.
About The Author
