Mu mukino wa nyuma w’irushanwa ry’amakipe yabaye aya mbere i wayo ku mugabane w’i burayi, UEFA Champins League, ikipe ya Real Madrid yo u gihugu cya Espanye yatwaye iki gikombe nyuma yo gutsinda Liverpool yo mu bwongereza ku mukino wa nyuma.
Ni umukino wabereye mu gihugu cy’Ubufaransa kuri Stade de Paris aho abafana b’amakipe yombi bari babukereye dore ko n’umukino watangiye ukerereweho iminota 30 kubera akavuyo katejwe n’abafana b’ikipe ya Liverpool.
Ni umukino wari ufite ishyaka ryinshi ku mpande zombi ariko ikipe ya Riverpool ikagaragaza inyota aho nko mu minota 20 ya mbere Riverpool yagombaga kuba yabonye igitego ariko umuzamu wa Real Madrid Tibaut Curtois akababera ibamba.
Ibintu byaje guhindura isura ku munota wa 59 ubwo Valvelde yahaye umupra mwiza Vinicius Junior nawe agahita awutera neza mu izamu rya Riverpool, Real madrid ikaba ibonye igitego kimwe ku busa ari na ko umukino waje no kurangira ku gitego 1-0.
Nyuma yo gutsindwa igitego Liverpool yakomeje gusatira izamu rya Courtois binyuze kuri ba rutahizamu bayo nka Salah na Sadio Mane arko umunyezamu w’ikipe ya Madrid agakuramo imipira bamuteraga ku buryo Riverpool yagombaga kuba yishuye iki gitego ariko biranga.
Umukino waramgiye Real Madrid itwaye igikombe ku gitego 1-0 cyatsinzwe na Vinicious, kikaba ari igikombe cyayo cya 14 cya Champions league iyi kipe imaze gutwara.
About The Author
