Mu mukino uhuza ikipe yatwaye shampiyona n’iyatwaye igikombe cya shampiyona wabaye kuri uyu wagatandatu, ikipe ya Rayon Sports yegukanye iki gikombe nyuma y’igitego cyabonetse ku munota wa gatandatu.
Ni umukino watangiranye ishaka ryinshi aho ikipe ya APR FC yatangiye ihusha uburyo bwari bwabazwe gusa ku munota wa Gatandatu w’umukino, ku mupira w’umuterekano watewe na Ruvumbu umugande Charles Bbaale ahita aterekaho umutwe uruhukira mu nshundura z’izamu y’ikipe ya APR FC.
Ntabwo byarangiriye aho kuko ku munota wa 85 ikipe ya APR FC yaje gukora ikosa ryatumye Rayon Sports ihabwa Penalite yinjijwe neza na Kalisa Rachid biba bibaye ibitego 2_0.
Umusifuzi yongeyeho iminota itanu gusa ku munota wa 95 ku ikosa ryakorewe Joachim Ojera ikipe ya Rayon Sports yongeye guhabwa Penalite maze yinjizwamo neza na Ojera birangira ari 3_0.
Ikipe ya APR FC hagiye ihusha uburyo bwinshi ariko biza kurangira itarebye mu izamu rya Rayon Sports.
APR FCÂ yari imaze imyaka 11 idakinisha abanyamahanga icyemezo yaje guhindura muri uyu mwaka w’imikino ifite gahunda yo kujya mu marushanwa nyafurika ikagera mu matsinda.
About The Author
