Umuhanzi wakanyujijeho mu gihugu cya Uganda ndetse akaba n’umunyapolitiki yagize icyo avuga ku byo yashinjwaga n’aba Dejay bo muri Uganda aho bamushinjaga ko yabibye amafaranga yabo bari bagenewe n’umwe mu bayobozi bakuru muri iki gihugu.
Aba Deejay bo muri iki gihugu barangajwe imbere na Dj Nimord wa Galaxy FM bari batangiye gutanga ibirego barega Daniel Kazibwe uzwi nka Ragga Dee ko yibye amafaranga yabo bari bahawe na General Salim Saleh ayo mafaranga akaba yari agenewe abo ba DJ.
Aganira na NBS, Ragga Dee yahakanye ayo makuru avuga ko yayahaye abo ba Dj akabaha agera kuri miliyoni zigera ku icumi ndetse ngo yasinyiwe na DJ Nimord akaba atumva ukuntu bavuga ko yayibye kandi yarayabahaye.
Uyu wahoze ari umuhanzi ukomeye yongeyeho ko nawe yabaye umu Dj ko azi uko bigenda muri Uganda bityo ko batagakwiye kumva ko basumba abandi.
About The Author
