Polisi yo mugihugu cya Uganda yataye muri yombi umusore wiyambikagaga nk’abagore akazenguruka amahoteri ashukashuka abagabo akabemerera kuryamana nabo bamara kumuha amafaranga agahita abacika bakamubura.
Zainabu Muchunguzi, ufite imyaka 25, utuye Kamwokya muri Zone ya Mulimira, yatawe muri yombi akekwaho uburiganya. Uyu musore yafashwe yambaye umwambaro wa hijab itukura yikwije neza nk’abagore.
Kugirango uyu musore atabwe muri yombi na Polisi byaturutse ku makuru y’ibirego byagiye bitangwa n’abagabo batandukanye bagiye bavugako bariwe amafaranga n’umugore bakekako ari umugabo.
Muchunguzi nyuma yo gufatwa kwe yabajijwe n’abapolisi maze yemerako ari umugabo ariko ahakanako nta mafaranga y’abagabo yigeze arya kuko ngo nabayamuhaye bayamuhaye kubwineza babyumvikanyeho.
Muchunguzi yahakanye ubwo bujura avuga ko nta ruhare yagize mu buriganya aregwa kuko afite akazi ke bwite akora muri hoteli. Nyuma yo kumubaza akanya gato, abapolisi bamutegetse guhindura isura bamushishikariza kujya yambara imyenda y’abagabo kugira ngo yirinde ikibazo icyo ari cyo cyose cyamugusha mucyaha.
Uyu musore yahise arekurwa Polisi imutegeka kutazongera kwambara imyenda y’abagore
About The Author
