Kuri uyu wa gatandatu shampiyona yo mu gihugu cy’ubwongereza yakomeje aho umukino wabimburiye iyindi yose ari derby yahuje amakipe abiri y’amacyeba yo mu mujyi umwe wa Machester muri iki gihugu cy’ubwongereza.
Ni umukino wari wakiriwe n’ikipe ya Manchester United aho iyi kipe yaje gutsindwa na Manchester City ibitego 2-0 mu mukino wabereye ku kibuga cya Manchester united ya Old trafford.
Ni umukino wihariwe cyane n’ikipe ya Manchester city aho yagiye irangwa no guhusha ibitego byinshi byari byabazwe aho ubaze inshuro bahushije wabara ko iyi kipe yari kuyitsinda ibitego birenga bitanu mu gihe manchester united yateye ishoti rimwe ryerekeza ku izamu ritewe na rutahizamu Christiano Ronaldo.
Igitego cya mbere cyagiyemo rugikubita ku munota wa karindwi gitsinzwe na myugariro Eric Bertrand Baye wa Man U witsinze igitego naho ikindi cya kabiri cyansinzwe na Bernaldo Silva wagitsinze ku munota wa 45 ku mupira yahawe na Joa Cancello.
Manchester City yahise ifata umwanya wa kabiri n’amanota 23 ku rutonde rwa shampiyona y’ubwongereza naho Manchester United ijya ku mwanya wa gatanu n’amanota 17 gusa iyi myanya ishobora guhinduka bitewe nuko hari andi makipe menshi atari yakina
About The Author
