Perezida wa Uganda, Yoweri Kaguta Museveni, yafunguye ku mugaragaro uruganda rukora rukanateranya imodoka z’imitamenwa zirimo iz’intambara zizwi nk’ibifaru, ruherereye mu gace ka Nakasongola.
Muri uyu muhango wabaye kuri uyu wa 27 Nyakanga 2022, uyu Mukuru w’Igihugu yashimiye ikigo Streit Group cyubatse uru ruganda, hamwe n’umuyobozi w’ikigo NEC gifite mu nshingano inganda z’igisirikare cya Uganda, Lt Gen. James Mugira washakishije ibisabwa byose ngo rutangire gukora.
Museveni yavuze ko imodoka z’imitamenwa uru ruganda rutunganya zizakemura ibibazo byinshi. Yasabye abakire bakeneye kuzigura n’amabanki akeneye gutwara amafaranga mu buryo butekanye kurugana.
Mu byumweru bibiri bishize, igisirikare cya Uganda giherutse gukangurira abaturage kuzagura imodoka z’imitamenwa zitunganywa n’uru ruganda, kibasobanurira ko zigenewe abasivili n’abasirikare.
About The Author
