Mu gitondo cyo kuri uyu wa gatandatu mu karere ka Nyarugenge mu murenge wa Gitega hagaragaye umurambo w’umugabo benshi bamuzi bavuga ko yari umujura.
Uyu murambo wagaragaye mu Kagari k’Akabahizi mu Murenge wa Gitega mu gitondo cyo kuri uyu wa Gatandatu tariki ya 30 Mata 2022 hafi y’ahahoze Gereza ya Kigali.
Abaturage bo muri aka gace bawiye Igihe dukesha iyi nkurur ko umurambo w’uyu mugabo wari ufite ibikomere. Habiyaremye Emmanuel yagize ati “Umurambo nawubonye. Nabonye nari nsanzwe muzi mu Cyahafi, yari asanzwe ari umujura.”
Ubwo umunyamakuru yajyaga gutara iyi nkuru yasanze inzego z’umutekano zahageze. Imodoka y’abakozi b’Urwego rushinzwe ubugenzacyaha (RIB) yahise ijyana umurambo ku Bitaro bya Polisi ku Kacyiru gusuzuma icyishe uwo muntu.
About The Author
