MU Kagari ka Mpanga, Umurenge wa Mukingo mu Karere ka Nyanza, haravugwa amakuru y’umuyobozi w’ishuri n’umuzamu uririnda batawe muri yombi bacyekwaho kwiba ibiribwa by’abanyeshuri.
Aba bombi bakoreraga ikigo cy’amashuri abanza cya Nyakabuye mu Karere ka Nyanza aho ngo bafashwe mu masaha akuze yo kuri uyu wa 24, Kamena, 2024 saa cyenda z’ijoro.
Uyu muyobozi witwa Jean de Dieu n’umusaza w’imyaka 62 warindaga iryo shuri, nibo bakurikiranyweho iki cyaha.
Amakuru avuga ko uwo musaza akimara kubyiba yahise abijyanira umucuruzi wo muri ako gace. Akimara gufatwa n’Urwego rw’Ubugenzacyaha RIB, yavuze ko umuyobozi w’ishuri ariwe ngo wamwohereje kuko ngo n’urufunguzo rw’ahabikwa ibyo biribwa yaruhawe n’umuyobozi w’ikigo.
Amakuru avuga ko uwo muzamu yafatanywe umufuka w’umuceri, umufuka w’akawunga n’ibindi.
RIB yahise ifata uwo muyobozi w’iki kigo, n’umuzamu ndetse n’uwo mucuruzi.
About The Author
