Mu ijoro ryo kuri uyu wa Gatatu tariki 15 Ukuboza ahagana saa 21:30’Umugabo warindaga umutekano kuri SACCO-Buruhukiro Ntakirutimana Bosco yishe arashe umuyobozi w’iyi SACCO witwa Dusingizimana Moise w’imyaka 36 ahita ajyanwa ku bitaro.
Umukozi wa Dusingizimana Moise witwa Niringiyimana Olivier w’imyaka 33 ni we watabaje nyuma y’uko umukoresha we arashwe mu nda agakomereka nk’uko Radio/tv10 ibitangaza.
Uyu mukozi w’uwarashwe, yavuze ko ” sebuja yatashye nk’uko bisanzwe ageze mu nzu ni bwo umusekirite Ntakirutimana Bosco yamwinjiranye ahita amurashisha imbunda yakoreshaga mu gucunga umutekano kuri Umurenge SACCO Buruhukiro.”
Uwarashwe n’umusekirite ari kuvurirwa ku Kigo Nderabuzima cya Buruhukiro kuko yakomeretse cyane mu nda mu gihe Polisi yo muri aka gace yahise itangira gushakisha uyu musekirite wahise yihisha nyuma yo kumurasa.
About The Author
