Ku wa 21 Ukwakira 2024, Ubushinjacyaha ku Rwego Rwisumbuye rwa Nyagatare, bwaregeye Urukiko Rwisumbuye rwa Nyagatare, dosiye y’umwana w’imyaka 17 y’amavuko ukurikiranyweho icyaha cyo gusambanya abana b’abahungu batandukanye bafite hagati y’imyaka itanu n’icumi y’amavuko.
Ukurikiranyweho icyaha, mu bihe bitandukanye mu kwezi kwa Nzeri 2024, yagiye ashukisha abana bato b’abahungu amabombo, ibisheke, amandazi, biscuits hamwe n’amafaranga, akabasambanya.
Iyi nkuru y’Ubushinjacya Bukuru ivuga ko mu ibazwa rye, yemeye ko yasambanyije umwana umwe inshuro zirenga eshatu, akabisabira imbabazi, mu gihe iperereza ryakozwe ryerekana ko abana basambanijwe ari batanu.
Urukiko ruramutse rumuhamije icyaha, ashobora guhanishwa igihano cy’igifungo cy’imyaka itari munsi y’icumi (10) ariko itarenga cumi n’itanu (15), nk’uko biteganywa n’ingingo ya 54 y’itegeko No 068/2018 ryo ku wa 30/08/2018 riteganya ibyaha n’ibihano muri rusange.
About The Author
