Mu gihe kuri uyu wa mbere tariki 31 Mutarama hafunguwe umupaka wa Gatuna uhuza u Rwanda na Uganda benshi mu aturage bo ku mpande zombi bagiye bagaragaza ibyishimo byinshi byo kuba bafunguriwe imipaka ku mpande zombi.
Uyu mupaka wa Gatuna wafunguwe kuri uyu wa mbere imodoka ya mbere yawunyuzeho saa kumi n’imwe za mu gitondo nyuma yuko imaze kuzuza ibyangombwa ikaba yari ivuye muri Repubulika iharanira demokarasi ya kongo yerekeza Kampala.
Abaturage kandi bakorera muri gare mpuzamahnga ya Nyabugogo ni ko bari bategerezanije amatsiko imodoka zari zisanzwe zitwara abaturage bava i Kigali berekeza Kampala- Uganda ariko ntibyabatwaye igihe kinini kuko imodoka nini ya kompanyi ya Trinity yasesekaye Nyabugogo buri wese wari urimo ibyishimo bikamutaha.
Ubwo iyi modoka yinjiraga mu marembo ya gare abantu benshi bahise bakoma amashyi ari na ko bamwe bayisanganira bajya no kuyikoraho mu gihe abandi bari kuvuza induru bagaragaza ko bishimye bikomeye.
About The Author
