Urukiko rw’Ibanze rwa Muhoza rwategetse ko Ntibansekeye Léodomir wari Umukozi w’Akarere ka Musanze ushinzwe ibikoresho ukekwaho gutesha agaciro Urwibutso arekurwa agakurikiranwa adafunzwe.
Mu mwanzuro w’uru Rukiko rwafashe kuri uyu was Kane tariki 9 Ugushyingo 2023. Ubushinjacyaha bwari bwamusabiye gufungwa iminsi 30 ngo bukomeze iperereza.
Mu byo urukiko rwashingiyeho muri iyi myanzuro, bwavuze ko icyaha Ntibansekeye akurikiranweho n’Ubushinjacyaha gikomeye kuko yategetse abakozi bakora isuku ku Karere kwimura ibikoresho babijyana mu cyumba cy’Urwibutso ariko ko uburyo yagikozemo nta bushake yari abifitemo.
Rwerekanye kandi ko uregwa yari asanzwe ari umukozi w’inyangamugayo, rwanzura ko nta mpamvu zifatika zatuma akomeza gukurikiranwa afunzwe ariko ko azajya yitaba Umushinjacyaha ufite dosiye ye igihe cyose akenewe.
Soma hano uko urubanza rwe rwagenze
About The Author
