Mu mikino ya shampiyona y’ikiciro cya mbere yakomezaga kuri iki cyumweru yarangiye ikipe ya Kiyovu Sports iyoboye urutonde rwa shampiyona ku manota 47 ihigitse ikipe ya APR FC yari imaze kunganya na Mukura VS.
Ni nyuma yaho ikipe ya Mukura Victory Sports yakiriye ikipe ya APR FC mu karere ka Huye maze iyi kipe ikayihagama ubugira kabiri bombi bakagabana amanota nyuma yo kunganya igitego kimwe kuri kimwe (1-1)
Uyu mukino watangiye ikipe ya APR FC isatira izamu rya Mukura ariko ikagenda itakaza amwe mu mahirwe gusa igice cya mbere cyaje kurangira APR FC ifite igitego kimwe yaje kwishyurwa mu gice cya kabiri maze sitade ya HUYE yari yuzuye abafana ba Mukura VS bacinya akadiho.
Ku bijyanye n’imisifurire uyu mukino wasifuwe n’umunyarwandakazi Mukansanga Salma aho nta makossa y’imisifurire buri ruhande rwakitwaza yabayemo.
Nyuma yuyu munsi, wasize ikipe y’abanyamujyi ya Kiyovu Sports iyoboye urutonde rwa shampiyona n’amanota 47 aho irusha APR FC iri ku mwanya wa kabiri amanota 2 naho Mukura ikaza ku mwanya wa gatatu.
Iyi kipe ya Mukura yongeye guhagama APR FC nyuma yuko no mu mikino ibanza ya shampiyona iyi kipe yatsinze APR FC igakuraho agahigo k’iyi kipe yari imaze imikino 50 idatsindirwa ku butaka bw’u Rwanda.
About The Author
