Umunya-Eritrea Henok Mulueberhan ukinira ikipe ya Green Project yegukanye Tour du Rwanda 2023 yari imaze icyumweru iba.
Ni nyuma yo kwegukana agace ka 8 k’ibilometero 75.3 kavaga kuri Canal Olympia ku i Rebero, kagana i Nyamirambo, Nyakabanda, Kimisagara, Nyamirambo, Gitega, Muhima, Kanogo, Rugunga, Gikondo, gasoreza kuri Canal Olympia.
Ni agace karebwe na Perezida wa Repubulika y’u Rwanda, Paul Kagame, wageze ku i Rebero mu masaa sita z’amanywa, aje kureba uwegukana iri rushanwa by’umwihariko.
Perezida Kagame yahasanze abandi bayobozi barimo Minisitiri wa siporo, Aurore Mimosa Munyangaju na Perezida w’ishyirahamwe ry’umukino w’amagare, Murenzi Abdallah.
Ku rutonde rw’agateganyo nyuma y’agace ka 7, Henok yari imbere, aho yari amaze gukoresha amasaha 26, iminota 53 n’amasegonda 9. N’ubundi ni we wahabwaga amahirwe menshi yo kwegukana iri rushanwa.
About The Author
