Igikorwa cyo gushaka umukobwa uhiga abandi mu bwiza Miss Rwanda 2022 cyatangiye kuri uyu wa gatandatu tariki 29 Mutarama 2022 mu ntara y’amajyaruguru mu karere ka Musanze.
Mu ntara y’Amajyaruguru, abakobwa bagera kuri 51 nibo bari bateganijwe kwitabira amajonjora ya Miss Rwanda 2022 nyamara abagera ku icyenda ntibahari bivuze ko abakobwa 42 aribo bagiye gutangira kunyura imbere y’Akanama nkemurampaka mu minota iri imbere.
Urugendo rwo gushakisha Nyampinga w’u Rwanda 2022 rwatangiye aho abakobwa bagera kuri 51 ari bo bari biyandikishije mu ntara y’amajyaruguru. Mu gihe habura iminota mbarwa abakobwa bagatangira kunyura imbere y’akanama nkemurampaka, abagera kuri 42 ni bo bamaze kuhagera. Ibi bivuze ko abagera ku 9 batarahagera nk’uko tubikesha abategura irushanwa rya Nyampinga w’u Rwanda.
Abagiye kuyobora uyu muhango ni Sam Kalisa Umunyamakuru wa Televiziyo y’u Rwanda mu gisata cy’amakuru nubwo hari n’ibindi agenda agaragaramo. Araza gufatanya iyi imirimo na Martina Abera bose bakaba ari abanyamakuru b’Ikigo cy’igihugu cy’itangazamakuru, RBA.
Naho abagize akanama nkemurampaka ni Mutesi Jolly wabaye Miss Rwanda 2016 akaba ari n’umunyamigabane muri Miss East Africa, Evelyne Umurerwa Umunyamakurukazi wa RTV na James Munyaneza umaze imyaka irenga 20 mu mwuga w’itangazamakuru.
About The Author
