Miss Mutesi Jolly yatangaje ko araserukana inkweto yaguze amafaranga agera kuri miliyoni enye z’amanyarwanda mu birori bya Final ya Miss Rwanda 2022 biraba kuri uyu wa gatandatu tariki 19 Werurwe 2022.
Izi nkweto zo mu bwoko bwa Tom Ford buri mu bugezweho kandi bwihagazeho ku isoko, Jolly Mutesi yabwiye Igihe ko yaziguze yifashishije ikoranabuhanga. Urebye agaciro k’izi nkweto ku mbuga zigurishirizwaho, usanga zigura nibura 3950$ arengaho gato miliyoni enye z’amafaranga y’u Rwanda.
Miss Jolly Mutesi ni umwe mu bakurikiranira hafi irushanwa rya Miss Rwanda yanegukanye mu 2016, muri uyu mwaka kimwe no mu myaka yakurikiye uwo yegukanyemo ikamba akunze kugaragara mu kanama nkemurampaka.
Muri uyu mwaka Miss Jolly Mutesi yazengurukanye n’iri rushanwa atoranya abakobwa bahagarariye Intara zose nk’umwe mu bari bagize akanama nkemurampaka yari ahuriyemo na Evelyne Umurerwa ndetse na Munyaneza James. Ibirori byo gutanga ikamba rya Miss Rwanda biteganyijwe kuri uyu wa 19 Werurwe 2022, bikaza kubera ku Intare Arena.
About The Author
