Meya wa San Pedro Huamelula mu gihugu cya Mexique, Victor Hugo Sosa, yashyingiranwe n’ingona yari yambaye ikanzu y’ubukwe, yitwa Litte Princesss, barasomana nk’umugeni n’umukwe mu rwego rwo guhuza ububasha bwa muntu n’izindi mbaraga ziva mu ijuru.
Iyi ngona yitwa igikomangomakazi gito ifatwa nk’Ikigirwamana, ifite imyaka irindwi, yakoranye ubukwe gakondo na Meya Hugo mu gace ka San Pedro Huamelula in mu burengerazuba bw’amajyepfo bwa Mexico.
Umukecuru wateguye ibi birori, Elia Edith Aguilar, yagize ati “ Bimpa ibyishimo byinshi kandi nkumva nishimiye inkomoko yanjye. Ni umugenzo mwiza.”
The Mirror dukesha iyi nkuru ivuga ko uyu mugenzo wakomotse mu gihe cya kera igihe Aba-Esipanyolo batari bakaje muri ibyo bice. Ni umugenzo wakorwaga n’abo mu bwoko bwitwa Chontal na Huave.
Iyi ngona ariko yari iziritse umunwa ngo itagira uwo yaba yaruma.
About The Author
