![](https://www.byoseonline.rw/wp-content/uploads/2023/08/Mbirizi-1024x786.webp)
Ikipe ya Rayon Sports yamaze gutandukana n’umurundi Eric Mbirizi wari uyimazemo umwaka, impande zombie zikaba zabyumvikanyeho.
Nyuma yo kutabona umwanya uhagije wo gukina nk’uko yaje byitezwemu ikipe ya Rayon Sports, Eric Mbirizi ukomoka mu gihugu cy’u Burundi yamaze gutandukana na Rayon Sports.
Ibinyujije ku rubuga rwayo rwa Twitter, ikipe ya Rayon Sports kuri uyu wa Kabiri yatangaje ko yamaze gutandukana n’uyu mukinnyi ku bwumvikane bw’impande zombie, ndetse hagamijwe n’inyungu z’izi mpande zombie (Rayon Sports n’umukinnyi).
Eric Mbirizi avuye mu ikipe ya Rayon Sports mu gihe yagmbaga kurwanira umwanya n’abarimo bagenzi be mo mu gihugu cy’u Burundi ubu bamaze gufata umwanya ubanzamo ari bo Aruna Moussa Madjaliwa na Mvuyekure Emmanuel bose basinye muri uyu mwaka.
Usibye Eric Mbirizi, bivugwa ko iyi kipe ishobora gutandukana n’abandi bakinnyi barimo Musa Esenu, Mugisha Francois bivugwa ko bashobora gutizwa, ndetse n’umunya-Nigerika Rafael Osaluwe.